Jodi a, plis ke jamè, enfòmasyon se yon zouti puisan pou transfòme sosyete a.

Pou Jounen entènasyonal dwa moun sa a, nou envite w kontribye sou Wikipedya an kreyòl ayisyen, yon lang manman ki aksesib pou majorite ayisyen yo. Pataje konesans nou sou dwa moun an Ayiti : sou aktè nan sosyete sivil la, sou evènman enpòtan yo, sou defi ak viktwa ki make sosyete nou an.

Menm si Konbit Wiki Kreyolo a rive nan bout li, lespri inisyativ sa a ap kontinye viv nan chak kontribisyon. Ann ranfòse aksè ak enfòmasyon lib ak bon kalite nan lang pa nou, pou chak ayisyen ka pran an men istwa yo ak dwa yo.